Rosalía Mariquiña

Instrucións

Infantil e 1º Ciclo de Primaria 🧒🎨

1️⃣ Xogo libre – «Mariquiñas» dixitais:

  • O alumnado pode interactuar coa versión dixital de Rosalía Mariquiña arrastrando as prendas para vestila ao seu gusto.
  • Na primeira diapositiva, os nomes das prendas son audibles ao tocarmos, facilitando a aprendizaxe oral e visual.

2️⃣ Escribimos os nomes das prendas:

  • Hai 10 diapositivas onde o alumnado pode activar o lápis na esquina superior dereita para repasar ou escribir os nomes das prendas sobre a pauta escrita.

3️⃣ Conta, pon e quita:

  • A roupa está toda revolta! O alumnado pode lanzar o dado e vestir ou desvestir a Rosalía co número de prendas que saia.
  • Poden responder preguntas como «Cantas prendas faltan?», traballando de forma manipulativa os conceptos de suma e resta.

4️⃣ Comparte a túa Rosalía Mariquiña con nós!!!

  • Amosa a túa versión de Rosalía Mariquiña nas RRSS co hashtag #rosaliamariquiña

2º e 3º Ciclo de Primaria 📖✂️

1️⃣ Recortable tradicional:

  • Descarga e imprime o material para facer unha versión de Rosalía Mariquiña en papel.
  • Recorta coidadosamente a Rosalía e as prendas, deixando pestanas para poder vestila.
  • Se o prefires, pega o papel nun cartón fino para maior durabilidade.

2️⃣ Actividade cultural:

  • Traballa as tradicións galegas a través da vestimenta tradicional.
  • Afonda na vida e obra de Rosalía de Castro para comprender a súa importancia cultural e literaria.

3️⃣ Engade aprendizaxe no reverso:

  • No reverso das prendas, escribe:
    • O nome da prenda para reforzar o vocabulario.
    • Unha pequena descrición (exemplo: “Levábase nas festas”).
    • Un debuxo para personalizar cada peza.

4️⃣ Comparte a túa Rosalía Mariquiña con nós!!!

  • Amosa a túa versión de Rosalía Mariquiña nas RRSS co hashtag #rosaliamariquiña

Secundaria 🎓💻

1️⃣ Reflexión sobre tradicións:

  • Analiza o significado cultural das prendas tradicionais galegas e a súa evolución ao longo do tempo.
  • Afonda na figura de Rosalía de Castro como símbolo da identidade galega.

2️⃣ Recortable dixital e personalización:

  • Usa os arquivos descargables dispoñibles na web para replicar o xogo en ferramentas dixitais (edición de imaxes, creación de presentacións interactivas, etc.).
  • Crea dinámicas onde o alumnado recree o xogo dixitalmente, aprendendo habilidades de deseño dixital.

3️⃣ Fabricación con cortadora láser

  • Descarga os arquivos de contorno.
  • Corta as pezas nunha cortadora láser, empregando madeira de balsa, feltro ou goma EVA.
  • Imprime a versión a cor das prendas e pégallas ás pezas de madeira con Mod Podge ou similar.
  • Crea unha Rosalía única, ideal para traballo manipulativo noustros niveis.

4️⃣ Comparte a túa Rosalía Mariquiña con nós!!!

  • Amosa a túa versión de Rosalía Mariquiña nas RRSS co hashtag #rosaliamariquiña

Recortable para imprimir

Rosalía Mariquiña RecortableDescarga

Recursos descarcables

Arquivos de imaxe

Siluetas svg para cortadora láser

Arquivos svg

Créditos

  • Ilustración: Leandro Lamas.
  • Deseño de roupa e poses: Nerevere.
  • Idea orixinal, edición e fotografías: Mercedes Orbaneja.
  • Música e narración: Xeradas con intelixencia artificial usando Suno e TTSMaker.

🎉 Este recurso é completamente gratuíto e está baixo licenza Creative Commons. É obrigatorio divertirse e gozar mentres se aprende! 😄

Rosalía Mariquiña © 2025 by Orbaneja, M.; Lamas, L.; is licensed under CC BY-NC-SA 4.0